Tetsuo, Bound to Fail (Tetsuo, porrotera kondenatuta) - Bilboko Arte Ederren Museoaren

Erosi irudia

Tetsuo, Bound to Fail (Tetsuo, porrotera kondenatuta)

Prego, Sergio

Hondarribia, Gipuzkoa, 19/09/1969

Kanal bakarreko bideoa (koloretako irudia eta soinua)

17' 30"

1998

01/20

2001ean eskuratuta

Sergio Pregok Euskal Herriko Unibertsitatean eskuratu zuen Arte Ederretako lizentzia, baina New Yorken bizi da eta han lan egiten du 1995az geroztik. Askotariko prozedurak baliatzen ditu sorkuntzarako -aipatzekoak dira eskultura, argazkilaritza, instalazioa, performancea, arte teknologikoa eta mass medien erabilera-, baina guztiek ere bideoa dutela azken buruko euskarria. 2003an, Arte Plastikoen Altadis saria jaso zuen, eta 2012an, Gure Artea, Eusko Jaurlaritzaren eskutik, sorkuntzan egindako lanaren aitortza gisa.

Objektu artistikoa tradizio eskultoriko batean kokatzen eta obrari zentzua emateko garaian performatibitateak duen garrantzia aitortzen duen artisten belaunaldi bateko kidea da Prego; laurogeita hamarreko hamarraldian oinarri horien inguruan sortutako belaunaldi bateko kidea, hain zuzen. Edonola ere, haren izena bideoartisten zerrendetan agertzen den arren, ez du bere burua bideoartistatzat hartzen, ez baita bideoartista; bere performanceak erregistratzeko baliatzen du bitarteko hori, eta bere agertokiak eraikitzeko funtsezko tresna gisa darabil teknologia.

1998az aurreko bere obretan, gailu bat erabiltzen du mugimendu bat hainbat ikuspuntutatik aldi berean antzemateko. Pertzepzio zatikatu hori berregin egiten du, gero, artisauen modura ia, ordenagailuaren laguntzaz. Haren obrek gorputzaren, espazioaren, denboraren eta soinuaren arteko erlazioei buruzko gogoeta dute ardatz.

Tetsuo, Bound to Fail izena du bideo honek, eta, bertan, artistak berak gindako zenbait ekintza erakusten dira. Haren inguruan biribilean kokatutako berrogei argazki kamerek aldi berean ateratzen dituzte argazkiak eta erregistratzen dituzte artistaren ekintzak, zeinak berreraikitzen eta erakusten baitira, gero, bata bestearen ondotik. Horrela, travelling zirkular baten moduko zinema efektua (kamera 360 graduko orbita batean mugitzea, subjektua une oro antzemateko) lortzen da. Horrela lortutako kulunkak eta irudi geldi harrigarriek zinemaren kontzeptu tradizionala asaldatzen dute -zineman, kamerak denbora errealean jasotzen du ekintza baten garapena-, eta itxuraz fisikaren legeak eraldatzen diren eta perspektiba biderkatzen den unibertso batean murgiltzen dute ikuslea.

Pregok behin eta berriro jauzi egiteko ekintza erregistratu arren, airean geldirik agertzen diren irudiak muntatuta halako lebitatze sentipen bat eragiten dute. Beste irudi batzuetan, ur zorrotada bat airera jaurtitzen ageri da artista ageri da, halako eran non eskultura likido iheskorrak sortzen baititu. Proiekzioan zehar, beste jaurtitze batzuk agertzen dira, egilearengan berarengan talka egiten dutenak. Tetsuo: The Iron Man zientzia fikzioko filmari (1989) erreferentzia egiten dio lan honen izenburuak; hain zuzen ere, Japoniako zinema fantastikoko Tetsuo pertsonaia izugarri ospetsuaren izena aipatzen du. [Silvia García Lusa]

Bibliografia hautatuta

  • Subjetiles : tres escenarios = hiru agerleku = tres escenaris [Cat. exp.]. Madrid ; San Sebastián ; Barcelona, Círculo de Bellas Artes ; Diputación Foral de Gipuzkoa ; Generalitat de Catalunya, 1998.
  • Gure Artea 2000 [Cat. exp.]. Bilbao, Eusko Jaurlaritza = Gobierno Vasco, 2000. p. 56-57..
  • Gaur, Hemen, Orain [Cat. exp.]. Bilbao, Museo de Bellas Artes de Bilbao, 2001. s.p., il.
  • Plural : el arte español ante el siglo XXI [Cat. exp.]. Madrid, Sociedad Estatal de Conmemoraciones Culturales, 2002. pp. 122-123..
  • Guía Artistas Vascos. Bilbao, Museo de Bellas Artes de Bilbao, 2008. p. 204.
  • Gida Euskal Artistak. Bilbao, Bilboko Arte Eder Museoa, 2008. p. 204.
  • Guide Basque Artists. Bilbao, Bilbao Fine Arts Museum, 2012. p. 204, n° cat. 118.
  • Figurados, figuraciones, figurantes : estar o (tal vez) soñar [Cat. exp.]. [Bilbao], Iberdrola, 2015. pp. 19, 92, 94-95, 202, sin n° cat.
  • 110 Años 110 Obras [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 302-303, sin n° cat.
  • 110 Ans 110 Oeuvres [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 302-303, sin n° cat.
  • 110 Urte 110 Artelan [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 302-303, sin n° cat.
  • 110 Years 110 Works [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 302-303, sin n° cat.
  • Bilboko Museoaren alfabetoa = El alfabeto del Museo de Bilbao = The alphabet of the Bilbao Museum = L'alphabet du Musée de Bilbao [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. 381-382, 385-386, 388-389, n° cat. 216.
  • Después del 68 : arte y prácticas artísticas en el País Vasco, 1968-2018 [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. p. 430.