Magoen adorazioa - Bilboko Arte Ederren Museoaren

Erosi irudia

Magoen adorazioa

Crespi, Giovanni Battista, "Il Cerano" zeritzona. Ustez

Cerano (Italia), c. 1575 -Milan (Italia), 1632/10/23

Olioa intxaurrondo-oholean

45,6 x 54,5 cm

c. 1610-1620

69/170

Laureano de Jado jaunaren legatua 1927an

Errege Magoak Ekialdetik iritsi dira, izarrak gidatuta, Belenen jaio berria den Haurrari gorazarre egitera. Jesus Erregeen Erregetzat aitortuta, haren aurrean makurtu dira, eta urrea, intsentsua eta mirra eskaini dizkiote. Crespik Meltxor irudikatu du aurrealdean, hiru erregeetan zaharrena. Erbinude larruzko bazterkia duen mantu gorri batean bilduta dago, makurtuta, Haurrari oinetan muin ematera baitoa. Urrezko txanponez beteriko ontzi bat eman berri dio; Kristok onartu egin du oparia (estalkia ireki, eta txanponak hartu ditu). Atzean, eskuinean, Gaspar dago, errege gazteena; koroa erantzi du, Jesusen jainkotasunaren aitortzaren erakusgarri. Itzalpean, errege beltza dago, Baltasar; Haurrari oparia ematera doa. Atzean, bi lekuko dituzte begira. Ama Birjinak besoetan du Haurra; kontu handiz heltzen dio, Errege Magoei jainko modura aurkezteko. Haren alboan, Jose ageri da, beste ontzi batekin, eta, atzean, zaldi baten burua ikusten da.

Crespi izan zen XVIII. mendearen hasieran Milanen lanean ari ziren artistetatik nagusienetakoa, manierismoaren eta estilo barrokoaren arteko obrak egin zituena. Oso aintzat hartua izan zen bere garaian; Milango artzapezpikuarentzat, udal agintarientzat eta bezero handikientzat lan egin zuen, Gonzaga etxekoentzat eta Federico Borromeo kardinalarentzat, besteak beste. Honako obra hau gaur egunera arte iraun duten Crespiren formatu txikiko lanetako bat da. Errealismoaren ukitua nabari zaio xehetasun batzuetan, hala nola, pertsonaien eskuetan, Joseren aurpegian eta zaldian; betiere, ezaugarri horiek konposizioaren zentzu landuarekin uztartuta daude. Bezero partikular fededunen baten eskariz egindako ohola da, ziurrenik. Koadroa zaharberritzean agerian gelditu zenez, kalitate goreneko lana da, eta uste da hauxe dela Italian kontserbatu diren kalitate kaskarragoko beste kopia batzuetarako eredu gisa erabilitako jatorrizko obra galdua. [X.B.]

Bibliografia hautatuta

  • Plasencia, Antonio. Catálogo de las obras de pintura y escultura del Museo de Bellas Artes de Bilbao. Bilbao, Imprenta Provincial, 1932. p. 65, n° cat. 295. (Con el título La Adoración de los Reyes, y atribuido a Anónimo de Escuela Flamenca del siglo XVI)
  • Lasterra, Crisanto de. Museo de Bellas Artes de Bilbao : catálogo descriptivo : sección de arte antiguo. Bilbao, Museo de Bellas Artes de Bilbao, 1969. p. 77, n° cat. 170. (Con el título La Adoración de los Magos, y atribuido a MAZZUCHELLI, Pier Francesco (Llamado ”il Morazzone”).
  • Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 44.
  • Bray, Xavier. "Magoen adorazioa : egiletasun arazo bat = La Adoración de los Magos : un problema de atribución = The Adoration of the Magi : a problem of attribution", B'05 : Buletina = Boletín = Bulletin, n° 1. 2006. pp. 17-41.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 50.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 50.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 50.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. p. 50, n° cat. 33.
  • Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 50, n° cat. 33.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 50.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 50.