Bilduma online eta irudien salmenta

Neskatila bat ageri da koadro honetan, haurra oraindik baina nerabezarora igarotzeko zorian, ikusleari aurrez aurre begira. Esne marmita distiratsu bat darama buru gainean; ezker eskuaz marmitaren giderra eusten ari da, eta eskuin eskua, berriz, aldakan jarrita du. Gorputz jarrera zurruna du, buru gainean daraman zamari eusteko, baina besoen joko horrek dinamismo handia ematen dio irudiari, eta halako sigi-saga bertikal bat eratzen du. Mugimendu uhindun horrek oihartzun bikoitza du eskuinaldean: lehenik, apur bat atzeragoko hiru haurren kokaeran, eta, bigarrenik, neskatilaren eta hiru haurren artean kokatutako zuhaitzean, zeinaren enborra goratzen baita neskaren besoaren keinua errepikatuz.

Bilbotar egilearen ohiko konposizio diagonaletan ez bezala, ortogonaltasuna nagusitzen da hemen; eta ortogonaltasuna nabarmentzen dute atzealdeko pareta baxuak eta ezkerrean ageri den etxearen hormak. Eszenaren bertikaltasun orokorrari gehitu behar zaio neskatilaren gorputza, letoizko tupina buru gainean daramala. Eta urruneko itsasontzien mastek ere konposizioaren joko hori indartzen dute.

Lurra eta eraikinak kolore okre eta lur kolorez margotuta daude, zuhaitzaren oinaldea bezalaxe -zuhaitzean zenbat eta gorago, ordea, bioleta tankera hartzen dute haren koloreek-. Neskatilaren, haurren eta etxearen kontra dagoen atsoaren jantzietan, zuri-urdinxka eta anilez tindatutako beltza dira nagusi. Airea bera ere urdinxka da, ikusten ez den arren. Arratsa dirudi, argitasunagatik; atzeko aldetik argituta dagoelarik neskatilaren burua, isla gorrixka epelak ikusten dira haren ile gaztaina kolorearen ertzetan. Ahoan daraman krabelinaren xehetasun zoragarrian biltzen dira baserritarraren freskotasuna, bizitza eta intentsitatea.

Lan honetan ere, marrazkia da gailentzen den egitura, baina egileak ez du hura nabarmentzeko irrika obsesiborik. Sotilagoa da hemen. Neskatilaren eskuak eta zuhaitzaren enborra egilearen maisutasunaren erakusgarri dira. Eta adierazpen kromatiko puru ia abstraktua erakusteko aitzakia perfektua da hemen lurra, Guiarden beste margolan batzuetan ura den bezala.

Margolariak alde batera utzi ditu panfleto soziala eta melodrama, baina aditzera ematen du nola ari den eskolan aritu behar zuen gaztetxoa lanean; lan txikietan, baina nekazaritzari loturiko lanetan, azken batean. Ahalegina eskatzen duten zereginetan agertu ohi dira Guiarden koadroetan, baina duintasunari eutsiz eta benetan eder. Irudi hau Elorrietan dago kokatuta (Bilbo), XX. mendearen hasieran langile auzo bihurtzen hasia zegoen aldirietako auzo batean. Bertatik hurbil zuen Guiardek estudioa, baratze eta meatzari edo itsasgizonen etxeen artean, ibaiadarraren ertzean.

Bilboko kapitalismo modernoaren sorrerari buruzko ikono ederrenetakoa da obra hau: gaztetasuna eta lana; baserri giroa, hirigintzaren eraginez gero eta apalago; natura eta jendea (musika hurbila) eta industria eta merkataritza (hondoko zarata); etorkizuneko itxaropena, ugari sortzen dena (haurrak), eta desagertzeko zorian den iragan uniformea (atsoa); berezko dotorezia eta nortasun irmoa... Nerabezaroan sartzear dagoen neskatila honek ezin hobeto irudikatzen du Kosmopolitismoaren eta tradizionalismoaren arteko borrokan murgildutako Bilbo hura, aurrez aurre, beldurrik gabe, etorkizunari begira dago, guri begira.

Krabelin gorridun baserritarra 1903an egindako Bilboko Arte Modernoko 3. Erakusketan aurkeztu zuen Guiardek, eta han eskuratu zuen Bizkaiko Aldundiak, bere arte bilduma aberasteko eta tokiko artistak Bilboko publikoa bere garaiko artea ikustera ohitzeko egiten ari ziren ahaleginei zuzeneko babesa adierazteko xedez. Urte hartan, hain zuzen, Paul Gauguinen obra sorta handi bat aurkeztu zen Bilbon, margolariaren omenaldi gisa -berriki hila-, asko miresten baitzuten euskal artistek, Francisco Durrio, Darío de Regoyos eta Guiardek berak, besteak beste.

Ramiro de Maeztuk neskatila hau ezagutu baino hilabete batzuk lehenago Guiardi buruz esan zuenez, harengan ezin hobeto uztartzen dira «trebetasuna, neurria, logika eta zentzu ona. Bere sentsualtasun artistikoa konfiantza eta erabateko orekan garatzen da; ezin hobeto asmatzen du erdigunean doi-doi gelditzen eta perfekziora iristen, alderdi metodikoan. Luminista da, eskolaz, ez du alboratzen irudia, ezta erretratura eramateko moduko irrika esklusiboa sentitzen ere irudiariekiko. Konpentsazio oholen modukoak dira haren oihalak: irudiak ez zaizkio paisaiari gailentzen, ezta paisaia irudiei ere. Irudi bakoitza bere paisaian kokatuta dago; atzealde bakoitza, bere irudietarako prestatuta». (Javier González de Durana)

Bibliografia hautatuta

• Llano Gorostiza, Manuel. "Se llama Asunción Ojinaga Echevarría y vive en Elorrieta : la ”Niña del clavel rojo” que pintó Adolfo Guiard, es abuela : el retrato está en el Museo del Parque", El Correo. 16/06/1960.
• 50 años de pintura vasca, 1885-1935 [Cat. exp.]. Madrid, Ministerio de Educación y Ciencia, 1971. n° cat. 61. (Con el título 'Suburbio')
• 50 años de pintura vasca, 1885-1935 [Cat. exp.]. San Sebastián, Museo de San Telmo, 1972. s. p., n° cat. 42.
• Marrodán, Mario Ángel. Los pinceles de Vasconia. Bilbao, Editorial ”La Gran Enciclopedia Vasca”, 1974. p. 53.
• Pintores y escultores vascos de ayer, hoy y mañana. Bilbao, La Gran Enciclopedia Vasca, vol. III, 1974. p. 153. (Con el título Suburbio (Niña del clavel))
• Pintores y escultores vascos de ayer, hoy y mañana. Bilbao, La Gran Enciclopedia Vasca, vol. IV, 1974. p. 180. (Con el título ”Suburbio. Niña del clavel”)
• Bengoechea, Javier de. Museo de Bellas Artes, Bilbao. Bilbao, La Gran Enciclopedia Vasca, 1978. p. 260-261. (Con el título Suburbio)
• Bengoechea, Javier de. Catálogo de arte moderno y contemporáneo del Museo de Bellas Artes de Bilbao. Bilbao, Banco de Vizcaya, 1980. p. 61. (Con el título Suburbio).
• Encina, Juan de la. La trama del arte vasco y selección de artíciulos publicados en Hermes. Madrid, Espasa-Calpe, 1981. p. 122. (Con el título Suburbio)
• Pintores españoles de la luz [Cat. exp.]. Madrid ; Barcelona, Banco de Bilbao ; Ajuntament, 1983. pp. 53, 149, n° cat. 54. (Con el título Suburbio)
• "Los pintores españoles de la luz, reunidos en una muestra", El Correo Catalán. 17/12/1983. 17 de diciembre de 1983. (Con el título Suburbio)
• Castañer López, Xesqui. "Iconografía de la mujer en los pintores vascos, siglos XIX y XX", Kobie : bellas artes, n° 2. 1984. pp. 98, 114, il.
• González de Durana, Javier. Adolfo Guiard : estudio biográfico, análisis estético, catalogación de su obra [Cat. exp.]. Bilbao, Museo de Bellas Artes de Bilbao ; Caja de Ahorros Vizcaína, 1984. pp. 143, 208, n° cat. 143. (Con el título 'La aldeanita del clavel rojo')
• 50 ans d'art espagnol, 1880-1936 [Cat. exp.]. Bordeaux, Galerie des Beaux-Arts, 1984. p. 118, n° cat. 45. (Con el título 'Un faubourg' (Suburbio))
• Mur Pastor, Pilar. La Asociación de Artistas Vascos. Bilbao, Museo de Bellas Artes de Bilbao ; Caja de Ahoros Vizcaína, 1985. p. 272.
• Arnáiz, José Manuel [dir.]. Cien años de pintura en España y Portugal, 1830-1930. Madrid, Antiquaria, 1989. p. 304. (títulada Suburbio (Niña del clavel))
• Actas literarias sobre el Arte Vasco con motivo de la Exposición Internacional de 1919 celebrada en Bilbao. Bilbao, Laida, 1991. p. 66. (Con el título 'Suburbio' (Niña del clavel))
• Tesoros del Museo de Bellas Artes de Bilbao : pintura, 1400-1939 [Cat. exp.]. Madrid, El Viso, 1989. pp. 160-161, n° cat. 63.
• Nosotros los vascos : arte IV : del neoclasicismo a las tendencias modernas del arte. Donostia-San Sebastián, Lur, 1989. p. 181. (Con el título Suburbio)
• Freixa, Mireia. "Artes plásticas en el Modernismo", Cuadernos de Arte Español, n° 25. 1992. pp. 16-17.
• Castañer López, Xesqui. La imagen de la mujer en la plástica vasca contemporánea, s. XVIII-XX : aproximación a una metodología del género. Bilbao, Universidad del País Vasco = Euskal Herriko Unibertsitatea, 1993. pp. 44, 91.
• Zugaza Miranda, Miguel. Euskal margolariak Aurrezki Kutxen bildumetan I = Pintores vascos en las colecciones de las Cajas de Ahorros I. Bilbao, Bilbao Bizkaia Kutxa; Gipuzkoa Donostia Kutxa; y Vital Kutxa, 1993. p. 41.
• De Fortuny à Picasso : trente ans de peinture espagnole 1874-1906 [Cat. exp.]. Paris, Réunion des Musées Nationaux, 1994. p. 96, n° cat. 44.
• Joos, Petra. Francisco Iturrino, 1864-1924 [Cat. exp.]. Madrid, Fundación Mapfre, 1996. p. 37.
• Spanyol mestermuvek a Bilbaói Szépmuvészeti Múzeumból [Cat. exp.]. Bilbao, Museo de Bellas Artes de Bilbao ; Banco Bilbao Vizcaya, 1996. p. 16.
• Sorolla & Zuloaga : dos visiones para un cambio de siglo [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 1997. p. 40, il.
• Tradition and modernity in basque painting, 1880-1939 = Tradición y modernidad en la pintura vasca, 1880-1939 [Cat. exp.]. Southampton ; Bilbao, Museo de Bellas Artes de Bilbao, 1997. pp. 25, 61, il., n° cat. 11.
• Sorolla & Zuloaga : dos visiones para un cambio de siglo [Cat. exp.]. Madrid, Fundación Mapfre, 1998. p. 53, il.
• La mirada del 98 : arte y literatura en la Edad de Plata [Cat. exp.]. Madrid, Ministerio de Educación y Cultura, 1998. p. 192.
• De Picasso a Bacon : arte contemporáneo en las colecciones del Museo de Bellas Artes de Bilbao [Cat. exp.]. Segovia, Museo de Arte Contemporánea Esteban Vicente, 1999. p. 31.
• Entre la figuración y la abstracción : arte contemporáneo en las colecciones del Museo de Bellas Artes de Bilbao [Cat. exp.]. Pamplona, Museo de Navarra, 1999. p. 29.
• Tradición y modernidad en la pintura vasca : en las colecciones del Museo de Bellas Artes de Bilbao [Cat. exp.]. Valencia, Autoridad Portuaria de Valencia, 1999. p. 16.
• Zugaza, Miguel ... [et al.]. Museo de Bellas Artes de Bilbao : maestros antiguos y modernos. Bilbao, Fundación Bilbao Bizkaia Kutxa = Bilbao Bizkaia Kutxa Fundazioa, 1999. pp. 158-159.
• Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 85.
• Emakumearen irudia : bestelako begiratu bat = La imagen de la mujer : otra mirada [Cat. exp.]. Vitoria-Gasteiz, Diputación Foral de Álava, 2003. pp. 38-39.
• Mujeres pintadas : la imagen de la mujer en España, 1890-1914 [Cat. exp.]. Madrid, Fundación Mapfre, 2003. pp. 146-147, n° cat. 26.
• Fontbona, Francesc (dir.). El Modernisme : aspectes generals. Barcelona, L'isard, 2003. p. 130.
• Carmen [de] Georges Bizet : 52 Temporada de Ópera de OLBE-ABAO. Bilbao, Asociación Bilbaína de Amigos de la Ópera, 2003. p. 4.
• Pinilla, Ramiro. Verdes valles, colinas rojas : los cuerpos desnudos. Barcelona, Tusquets, 2005. portada.
• De Goya a Gauguin : el siglo XIX en la colección del Museo de Bellas Artes de Bilbao [Cat. exp.]. Salamanca, Caja Duero, 2006. pp. 214-215, n° cat. 55.
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. pp. 120-121.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. pp. 120-121.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. pp. 120-121.
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Valencia, Consorci de Museus de la Comunitat Valenciana ; Caja Duero, 2006. pp. 214-215, n° cat. 55.
• González de Durana, Javier. Las Exposiciones de Arte Moderno de Bilbao, 1900-1910 : un intento modernizador pagado con espinas de indiferencia. Vitoria-Gasteiz, Bassarai, 2007. p. 83.
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Salamanca, Caja Duero, 2007. pp. 214-215, n° cat. 55.
• De Goya a Gauguin : el siglo XIX en el Museo de Bellas Artes de Bilbao [Cat. exp.]. Bilbao, Museo de Bellas Artes de Bilbao, 2008. pp. 472-474, n° cat. 104.
• Entre dos siglos : España 1900 [Cat. exp.]. Madrid, Fundación Mapfre, 2008. p. 72.
• Guía Artistas Vascos. Bilbao, Museo de Bellas Artes de Bilbao, 2008. pp. 39-40.
• Gida Euskal Artistak. Bilbao, Bilboko Arte Eder Museoa, 2008. pp. 39-40.
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. pp. 120-121, n° cat. 83b.
• Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. pp. 120-121, n° cat. 83b.
• Guide Basque Artists. Bilbao, Bilbao Fine Arts Museum, 2012. pp. 39-40, n° cat. 16c.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. pp. 120-121.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. pp. 120-121.
• Tonelli, Massimiliano. "Est magnus et sapiens", Revistart : revista de las artes, n° 170. 2015. p. 18, il.
• Maestros : Museo de Bellas Artes de Bilbao . Bilbao, Bilboko Arte Ederren Museoa-Museo de Bellas Artes de Bilbao, 2016. pp. 84-85, il.
• Maisuak : Bilboko Arte Ederren Museoa. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 84-85, il.
• Masters : Bilbao Fine Arts Museum. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 84-85, il.
• Maîtres : Musée des Beaux-Arts de Bilbao. Bilbao, Bilboko Arte Ederren Museoa-Museo de Bellas Artes de Bilbao, 2016. pp. 84-85, il.
• 110 Años 110 Obras [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 174-177, sin n° cat.
• 110 Ans 110 Oeuvres [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 174-177, sin n° cat.
• 110 Urte 110 Artelan [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 174-177, sin n° cat.
• 110 Years 110 Works [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 174-177, sin n° cat.
• Bilboko Museoaren alfabetoa = El alfabeto del Museo de Bilbao = The alphabet of the Bilbao Museum = L'alphabet du Musée de Bilbao [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 333-335, 337-338, 341, n° cat. 186.
• Barañano, Kosme de. Bilbao y la pintura [Cat. exp.]. Bilbao, FMGB Guggenheim Bilbao, 2021. pp. 151, 153, il.