Bilduma online eta irudien salmenta

Emakume-burua lana emakumezkoen buru monumentalen serie batekoa da (Lüpertzek laurogeiko hamarkadaren amaieran hasitako serie batekoa, hain zuzen ere). Lanok kubismoa, Matisse eta espresionismo alemaniarra gogorarazten dituzte. Teknikoki, Lüpertz argizariz edo igeltsuz egindako modelatutik abiatzen da, eta, ondoren, irudiak zizelkatu eta formak definitzen ditu, figurak galdatu baino lehen. Teknika biak erabili direla amaierako emaitzan ikus daiteke, non modelatuaren bat-batekotasuna zizelkatzearen naturaltasunarekin uztartzen baita. Ondorioz, eskulturek gorputzaren zentzu irmoa transmititzen dute, askotan, tamainak berak nabarmenduta.

1948an, familiarekin batera lehengo Alemaniako Errepublika Federalera bizitzera joan ostean, Lüpertz hirurogeiko hamarkadaren amaieran hasi zen pintatzen. Espresionismo abstraktutik abiatuta, artearen historiako zenbait unetan inspiratutako printzipio figuratiboagoetarantz hurbildu zen. Modu horretan, besteak beste, berriro interpretatu zituen Poussin, Corot, Courbet, Picasso, Matisse, Ernst eta Giacometti bezalako artisten lanak eta eskultura mizenastarrak. Beraren belaunaldiko beste artista alemaniar batzuen moduan, haren lanean ere bere herriko historia dramatikoari buruzko hausnarketa antzeman daiteke. 1981etik aurrera, pintura eta eskultura uztartzen hasi zen. (Marta García Maruri)

Bibliografia hautatuta

• Barañano, Kosme María de ... [at. al.]. Markus Lüpertz: the memory and the form = la memoria y la forma. Valencia, IVAM, 2002. p. 139.
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 202.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 202.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 202.
• Adquisiciones 02/07 [Cat. exp.]. Bilbao, Museo de Bellas Artes de Bilbao, 2007. pp. 82-83, n° cat. 32.
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. pp. 202-203, n° cat. 145a.
• Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. pp. 202-203, n° cat. 145a.
• Barañano, Kosme María de; Andrada Páez, Carolina. "La obra de Markus Lüpertz en la colección del Museo de Bellas Artes de Bilbao = The works of Markus Lüpertz in the Bilbao Fine Arts Museum collection = Markus Lüpertz lana Bilboko Arte Ederren Museoko bilduman", Buletina = Boletín = Bulletin, n° 7. 2013. pp. 196-208, 297-301.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. pp. 202-203.
• Barañano, Kosme María de. Markus Lüpertz 1963-2013 [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2014. pp. 144-145, n° cat. 70.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. pp. 202-203.
• Figurados, figuraciones, figurantes : estar o (tal vez) soñar [Cat. exp.]. [Bilbao], Iberdrola, 2015. pp. 15-16, 60, 63, 202, sin n° cat.