Bilduma online eta irudien salmenta

Besaulki batean eserita, gorputz erdiz eta lehen planoan ageri da Charles-Pierre Colardeau (1732-1776) poeta frantsesa. Etorkizun handiko karrera zuen, baina gazterik hil zen. Poetak kasaka gorri bat du jantzita, eta ileorde motz bat, hautseztatua eta lazo gris batekin bildua, garai hartako modari jarraituz. Jarrera oso naturalean dago, burua apur bat biratuta du, eta ezkerreko eskuaz Lettre d'Héloîse à Abélard (Elosaren gutuna Abelardori) eskuizkribuaren pleguei eusten die. Horixe da, hain zuzen ere, poetaren poema onena eta ezagunena, 1758an idatzia; Alexander Pope ingelesaren 1716ko izen bereko lanaren bertsoz idatzitako imitazioa, zeinetan aurreikusten den XVIII. mendeko sentiberatasun aurre-erromantikoa.

Parisko Erakusketan erakutsi zen lana, 1771n, eta XVIII. mendeko burgesia frantsesaren erretratuen adibide bikaina da; besteak beste, Louis-Michel van Loo margolari ospetsuak zabaldutako ereduaren arabera egina dago. Zenbait erretraturen arfizialtasunetik urrun, Voiriotek izaera intimista eman zion lan honi, eta pertsonaia naturaltasunez agertzea lortu zuen.

Guillaume Jean Voiriot margolari eta eskultorearen semea zen. San Lukas Akademiako eta Parisko Pintura eta Eskulturako Errege Akademiako kide izan zen, eta hainbat kargu bete zituen. Luis XV.aren eta Luis XVI.aren erregealdietan jardun zuen lanean, eta baita iraultzaren garaian ere. Dohain bereziak zituen erretratuak egiteko, eta genero horretan nabarmendu zen; Parisko idazleak, zientzialariak, politikariak eta artistak margotu zituen. (Ana Sánchez-Lassa)

Bibliografia hautatuta

• Lasterra, Crisanto de. Museo de Bellas Artes de Bilbao : catálogo descriptivo : sección de arte antiguo. Bilbao, Museo de Bellas Artes de Bilbao, 1969. pp. 113, 114, 240. (Con el título Retrato del poeta Charles Pierre Colardeaur, y atribuido a VOIRIOT, Guillaume).
• Bengoechea, Javier de. Museo de Bellas Artes, Bilbao. Bilbao, La Gran Enciclopedia Vasca, 1978. p. 218.
• Luna, Juan José. "Obra francesa del siglo XVIII en el Museo de Bellas Artes de Bilbao", Guía de Exposiciones, n° 46. 1985. s. p.
• Tesoros del Museo de Bellas Artes de Bilbao : pintura, 1400-1939 [Cat. exp.]. Madrid, El Viso, 1989. pp. 78-79, n° cat. 23.
• Zugaza, Miguel ... [et al.]. Museo de Bellas Artes de Bilbao : maestros antiguos y modernos. Bilbao, Fundación Bilbao Bizkaia Kutxa = Bilbao Bizkaia Kutxa Fundazioa, 1999. p.136.
• Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 68.
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 82.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 82.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 82.
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. p. 82, n° cat. 56.
• Goya & Beethoven [Cat. exp.]. Thesalónica, Teloglion Foundation of Art, 2011. pp. 19-20. (Edición en griego)
• Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 82, n° cat. 56.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 82.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 82.