Bilduma online eta irudien salmenta

Margolan honek Kristoren bizitzako pasarte atseginenetako bat erakusten du. Kortaren barruan girotuta dago eszena, eta eskuinaldean ageri da irudi nagusia, hau da, Ama Birjina Haurrarekin. Lurrean, lehenengo planoan, galburu batzuek Eukaristiari egiten diote erreferentzia. Ezkerreko taldean deigarriak dira ikusleari begira dauden bi pertsonaiak: zutik dagoen gizona margolariaren autorretratua izan liteke, edo bestela, haren oinetan belaunikatuta dagoen emakumezkoarekin batera, lana egiteko agindua eman zutenen erretratua; beharbada, kapera pribatu baterako agindu zuten. Ezkerraldetik sartzen den alboko argi indartsu batek antzerki giroa ematen dio eszenari, eta margolanaren erdialdea hartzen duen artzainetako bat azpimarratzen du; bertan, artzainaren jantzi zuria eta itsasoz haraindiko urdin distiratsua nabarmentzen dira. Margolanaren erradiografiak artistaren pentimento bat erakusten du: lehenengo lanean hego handiak jarri zizkion pertsonaia horri, baina, gero, ezkutatu egin zituen. Horrek azalduko luke pertsonaia horren arintasuna. Zenbait profilek, hala nola, Ama Birjinarenak, Haurtxoaren aurrean belaunikatutako artzainarenak eta San Joserenak (modu monokromoan margotua, erdi itzaletan dagoena) eskultura klasikoak iradokitzen dituzte.

Lan honetan, gustu caravaggista hautematen da, argiaren tratamenduak nabarmen uzten duen moduan. Edonola ere, egilea barroko frantsesaren joera klasizistaren ideia estetikoen barruan sar daiteke, hau da, Antzinaro klasikoko lanen azterketan interesa zuen joeraren barruan. Simon Vouetek sartu zuen joera hori 1627an, Italiatik itzultzean, eta izugarrizko arrakasta lortu zuen Parisen. Joera horren jarraitzaile izan ziren, besteak beste, Poussin edo Le Nain anaiak. [A.S.L.]

Bibliografia hautatuta

• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 75.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 75.
• Plasencia, Antonio. Catálogo de las obras de pintura y escultura del Museo de Bellas Artes de Bilbao. Bilbao, Imprenta Provincial, 1932. p. 67, n° cat. 315. (Con el título La Adoración de los Pastores, y como Anónimo italiano del siglo XVII)
• Lasterra, Crisanto de. Museo de Bellas Artes de Bilbao : catálogo descriptivo : sección de arte antiguo. Bilbao, Museo de Bellas Artes de Bilbao, 1969. p. 154, n° cat. 378. (Con el título Adoración de los pastores, y atribuido a ANÓNIMO ITALIANO DEL SIGLO XVII).
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 75.
• Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 75.
• Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 75.
• Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. p. 75, n° cat. 53.
• Cuzin, Jean-Pierre. Figures de la réalité Caravagesques français : Georges de La Tour, les frères Le Nain .... Paris, Hazan, 2010. pp. 47, 49.
• Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 75, n° cat. 53.