Femme assise (Emakumea eserita) - Bilboko Arte Ederren Museoaren

Erosi irudia

Femme assise (Emakumea eserita)

Blanchard, María

Santander, 1881/03/06-Paris, 1932/04/05

Olioa mihisean

100,5 x 73,5 cm

c. 1928

82/226

1966an eskuratua

María Blanchard garai konplexu batean bizi izan zen, bereziki zaila, artista eta emakumea izanik. Hain zuzen ere, emakumea izateagatik hainbat gauzari uko egin behar izan zion, XX. mendearen hasierako urteetan abangoardian egon zen sortzaile taldean sartzeko.

Santander eta Madrilen trebatzen hasi zen arren, orduko obretan ez zen nabarmendu nortasun bereziko egile gisa; 1909an Parisera joan zen bizitzera, eta joera berritzaileen aurrean garai batean zalantzati ibili bazen ere, kubismorantz lerratu zen, eta hainbeste desio zuen askatasuna aurkitu zuen. Orduan lortu zuen heldutasun artistikoa , izaera berezikoa, obra xume eta edertasun handikoak landuz, kolorearen erabilera poetikoari dagokionez, bereziki. 1920ko hamarkadan, mugimendu estetiko hartan egindako bidearen zordun diren molde berrietara jo zuen, bere garaiko beste artista askok bezala.

Retour à l'ordre deritzona ez zen izan artistak ebuluziorako zuen beharrari eman zion irtenbide pertsonala besterik. Objektuaren adierazpenak obra figuratiboetara eraman zuen, eta bertan kubismoaren egitura geometrikoa ageri da, zeinak hurbiltzen gaituen Cézanneren obrara, konposizio bolumetrikoaren eta argiaren antolaeraren bidez.

Eta, hala, adierazpen molde propioak ezaugarrituriko etapa berri bati ekin zion, giza irudia baliatuz bere barne bizipenen oinordeko modura, eta horrek bere obra nortasun berezi batez janzten du.

Emakumea eserita lana bere obra guztian eragina izan zuen bizitzako une berezi batean sortu zuen. Juan Gris lagun mina eta arte-merkatari belgikarra hil ondoren, beste gertaera batzuen artean, etsipenak hartu zuen, eta nolabaiteko mistizismoan murgilarazi zuen horrek; inflexio une bat izan zen, eta ikonografia sentiberago, melankolikoago eta poetikoagoa landu zuen. Teknikaren, kolorearen eta marrazkiaren azpian ere sumatzen da bere bizitzako errealitatearen zentzu sakona.

Jostunaren irudia, oihala esku artean duela eta, haren alboan, saski bat, mahai baten gainean, beste konposizio batzuetan ere ageri da, bere ingurune hurbileko neska bat baitzen.

Irudi hau espazio hertsi batean kokatzen du, eta molde egituratu sinpleen bidez, marrazten du irudia, bere depresio egoeraren tristura eta nahigabea darizkiola; bere izatearen ispilu baten modukoa da, ihesi doakion bizitza baten lekukotasun intimoa, eta horrexegatik, ez du askatu nahi. Obra hau arte-merkatarien begiradetatik gorde zuen, eta hil arte kontserbatu zuen, hil zen garaian estudioari ateratako argazki batek erakusten duenez. (María José Salazar)

Bibliografia hautatuta

  • Castillo, Alberto del. "El Museo de Arte Contemporáneo en el de Bellas Artes de Bilbao", Goya : revista de arte, n° 101. 1971. pp. 327, 330.
  • Bengoechea, Javier de. Museo de Bellas Artes, Bilbao. Bilbao, La Gran Enciclopedia Vasca, 1978. pp. 416-417.
  • Bengoechea, Javier de. Catálogo de arte moderno y contemporáneo del Museo de Bellas Artes de Bilbao. Bilbao, Banco de Vizcaya, 1980. p. 36. (Con el título Mujer sentada).
  • Campoy, Antonio Manuel. María Blanchard. Madrid, Gavar, 1981. p. 190.
  • 50 ans d'art espagnol, 1880-1936 [Cat. exp.]. Bordeaux, Galerie des Beaux-Arts, 1984. p. 83, n° cat. 16.
  • Caffin Madaule, Liliane. Catalogue raisonné des oeuvres de Maria Blanchard.... Londres, Editions Liliane Caffin Madaule, 1992. pp. 37, 120, 289-290.
  • Siete pintores españoles de la Escuela de París [Cat. exp.]. Madrid, Atenea ; Caja de Madrid, 1993. pp. 84-85.
  • Zugaza, Miguel ... [et al.]. Museo de Bellas Artes de Bilbao : maestros antiguos y modernos. Bilbao, Fundación Bilbao Bizkaia Kutxa = Bilbao Bizkaia Kutxa Fundazioa, 1999. p. 207.
  • De Picasso a Bacon : arte contemporáneo en las colecciones del Museo de Bellas Artes de Bilbao [Cat. exp.]. Segovia, Museo de Arte Contemporáneo Esteban Vicente, 1999. pp. 72-73.
  • Cat. María Blanchard. Madrid, Deutsche Bank, 2000.
  • Zugaza, Miguel ... [et al.]. Maestros antiguos y modernos en las colecciones del Museo de Bellas Artes de Bilbao. Bilbao, Museo de Bellas Artes de Bilbao, 2001. p. 127.
  • Salazar, Maria José. María Blanchard : catálogo razonado : pintura, 1889-1932 = catalogue raisonné. Madrid, Museo Nacional Centro de Arte Reina Sofía, 2004.
  • Ibiza i Osca, Vicent. Obra de mujeres artistas en los museos españoles : guía de pintoras y escultoras, 1500-1936. Alzira (Valencia), Centro Francisco Tomás y Valiente, UNED, 2006. p. 140.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2006. p. 159.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 159.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2006. p. 159.
  • Bernárdez Sanchís, Carmen. Maria Blanchard. Madrid, Fundación Mapfre, 2009. p. 120.
  • Museo de Bellas Artes de Bilbao : guía. Bilbao, Bilboko Arte Ederren Museoa-Museo de Bellas Artes de Bilbao, 2011. p. 165, n° cat. 116.
  • Bilboko Arte Ederren Museoa : gida. Bilbao, Bilboko Arte Ederren Museoa-Museo de Bellas Artes de Bilbao, 2012. p. 165, n° cat. 116.
  • 100 años en femenino : una historia de las mujeres en España [Cat. exp.]. Madrid, Acción Cultural Española, 2012. pp. 28, 241, sin n° cat.
  • Maria Blanchard [Cat. exp.]. Madrid ; Santader, Museo Nacional Centro de Arte Reina Sofía ; Fundación Botín, 2012. pp. 74-75.
  • Musée des Beaux Arts de Bilbao : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 165.
  • Bilbao Fine Arts Museum : guide. Bilbao, Bilboko Arte Ederren Museoa-Museo de Bellas Artes de Bilbao, 2014. p. 165.
  • 110 Years 110 Works [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 242-243, sin n° cat.
  • 110 Años 110 Obras [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 242-243, sin n° cat.
  • 110 Ans 110 Oeuvres [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 242-243, sin n° cat.
  • 110 Urte 110 Artelan [Cat. exp.]. Bilbao, Bilboko Arte Ederren Museoa-Museo de Bellas Artes de Bilbao, 2018. pp. 242-243, sin n° cat.